هذا جزء من قصيدتي ألقيتها
في إحدىحلقات برنامج الجمهور
العربي على قناة مصر الحياة
.......................................
( الهوا في الغيط )
..............................
ياللي فاكر كايرو غنوه
ولسه ناوي ع الرحيل
البساطه برضه ... حلوه
والبراح في الريف جميل
الدفا في الأهل عزوه
والهوا في الغيط عليل
المصطبه لمانا ..... لمه
لسه برضه عايشه فينا
ذكرياتها ......... بتنادينا
مهما غيبنا ..... واتعالينا
هوانا هيه ...... ومنتهاه
نحن ليها لو ...... نسينا
المصطبه فيها..... الحياه
واللي يتعالى ..... علينا
أو يغره في يوم غناه
يفتكر المثل اللي فينا
( من فات قديمه تاه )
ريفنا واحه ....... للأمان
كان زمان وكان وكان
لسه برضه قلوبنا شابه
يعني ممكن يابن عمي
نعدل المايله ..... بمحبه
لما همك هو ..... همي
تشيلها حبه واشيلها حبه
نمشي بالمعروف نطيب
لسه فينا الأصل طيب
مهما زاد العيب وعيب
لسه نبع الخير مالينا
والنبي الهادي ..... نبينا
نهجه مالي نور عنينا
القلوب عايشه بحنانه
جوا روح الروح مكانه
سيرته باقيه شفاعه لينا
...............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق